ലീഗ് ഇടതുപക്ഷത്തേക്ക് ചായുന്നുവെന്ന ആരോപണം തെറ്റെന്ന് മുസ്ലിം ലീഗ് ദേശീയ സെക്രട്ടറി ഇ ടി മുഹമ്മദ് ബഷീർ പറഞ്ഞു. തന്റെ പ്രസ്താവന വിവാദമാക്കേണ്ട കാര്യമില്ല. വ്യക്തിപരമായി തോന്നിയ കാര്യമാണ് പറഞ്ഞതെന്നും മുഹമ്മദ് ബഷീർ വ്യക്തമാക്കി. പലസ്തീൻ വിഷയത്തിൽ ഒരുമിച്ച് നിൽക്കുക എന്നത് മാത്രമാണ് ഉദ്ദേശിച്ചത്. സിപിഎമ്മിനൊപ്പം നിൽക്കുക, കോൺഗ്രസിൽ നിന്ന് മാറുക എന്നൊന്നും ഉദ്ദേശിച്ചില്ലെന്നും ഇ ടി മുഹമ്മദ് ബഷീർ പറഞ്ഞു.
പാർട്ടിയുടെ അഭിപ്രായത്തോട് ഒപ്പം നില്ക്കും. ഈ വിഷയത്തിലാണ് അന്തിമ തീരുമാനം പാര്ട്ടി നേതൃത്വം എടുക്കുമെന്നും അദ്ദേഹം കൂട്ടിച്ചേര്ത്തു. കെ സുധാകരന് വാക്കുകള് സൂക്ഷിച്ച് ഉപയോഗിക്കണമെന്നും ഇ ടി മുഹമ്മദ് ബഷീർ താക്കീത് ചെയ്തു
