ആലപ്പുഴ: ചേർത്തല തെക്ക് പഞ്ചായത്തില്‍ സംഘടിപ്പിച്ച ഹരിതസഭ പരിപാടിക്കിടെ കാറ്റിലും മഴയിലും പന്തൽ തകർന്നു വീണു. ആരോഗ്യവകുപ്പ് ജീവനക്കാര്‍ക്കും ആശാപ്രവർത്തകര്‍ക്കും ഉൾപ്പെടെ 8 പേർക്ക് പരിക്കേറ്റു. പഞ്ചായത്ത് ഓഫിസിനു മുന്നിൽ ഇന്നലെ ഹരിതസഭ പരിപാടി സംഘടിപ്പിക്കുന്നതിനുവേണ്ടി താൽക്കാലികമായി നിർമിച്ച പന്തലാണു തകർന്നുവീണത്. കാറ്റിലും മഴയിലും പന്തലിന്റെ ഇരുമ്പുപൈപ്പുകളും ഷീറ്റും ഇളകി താഴേക്കുപതിക്കുകയായിരുന്നു. പന്തലിനു താഴെയുണ്ടായിരുന്നവർക്കാണു പരുക്കേറ്റത്. അയ്യപ്പഞ്ചേരി സ്വദേശിനിയും ചേർത്തല തെക്ക് പഞ്ചായത്ത് പിഎച്ച്സിയിലെ ജൂനിയർ ഹെൽത്ത് ഇൻസ്പെക്ടറുമായ ജയമോൾ (52), അർത്തുങ്കൽ സ്വദേശിനി ഗ്രേസി സെബാസ്റ്റ്യൻ (57), കുറുപ്പൻകുളങ്ങര വാലിയത്ത് രാജിമോൾ (53), അർത്തുങ്കൽ വലിയവീട്ടിൽ സതി (47) എന്നിവർക്കാണു സാരമായി പരുക്കേറ്റത്. തലയ്ക്കു ഗുരുതരമായി പരുക്കേറ്റ ജയമോളെ ആദ്യം ചേർത്തല താലൂക്ക് ആശുപത്രിയിലും പിന്നീട് കൊച്ചിയിലെ സ്വകാര്യ ആശുപത്രിയിലേക്കും മാറ്റി. തോളെല്ലിനു പരുക്കേറ്റ ഗ്രേസി സെബാസ്റ്റ്യനെ ആലപ്പുഴ മെഡിക്കൽ കോളജ് ആശുപത്രിയിലും രജിമോളെയും സതിയെയും ചേർത്തല താലൂക്ക് ആശുപത്രിയിലും പ്രവേശിപ്പിച്ചു
More like thisRelated
Numerology Reading: A Comprehensive Overview
Have you ever been curious about numerology and best...
The Ultimate Overview to Tarot Card Card Analysis Online Free
Are you looking for guidance, insight, or clarity in...
Checking out the Globe of Online Tarot Card Readings
When it comes to looking for advice and understanding...