ഏകദിന ക്രിക്കറ്റിൽ ഓസീസിനെതിരെ നെതര്ലന്ഡിന് തോല്വി. ഇന്നലെ ഓസ്ട്രേലിയക്കെതിരെ അരുണ് ജെയ്റ്റ്ലി സ്റ്റേഡിയത്തില് നടന്ന ലോകകപ്പ് പോരാട്ടത്തില് പത്ത് ഓവറിൽ ലീഡ് 115 റണ്സാണ് വഴങ്ങിയത്. ഓസ്ട്രേലിയക്കെതിരെ ബാസ് ഡി ലീഡ് എറിഞ്ഞ 49-ാം ഓവറില് ഗ്ലെന് മാക്സ്വെല് 28 റണ്സാണ് അടിച്ചു പറത്തിയത്. അതിന് മുമ്പെറിഞ്ഞ ഓവറില് 15 റണ്സും ഡി ലീഡ് വഴങ്ങിയിരുന്നു. തന്റെ അവസാന രണ്ടോവറില് 43 റണ്സ് വഴങ്ങിയതോടെയാണ് ഡി ലീഡ് 100 പിന്നിട്ടത്. നേരത്തെ മാര്നസ് ലാബുഷെയ്നിന്റെയും ജോഷ് ഇംഗ്ലിസിന്റെയും വിക്കറ്റുകള് വീഴ്ത്തി ലീഡ് തിളങ്ങിയിരുന്നു. അവസാന പത്തോവറില് 131 റണ്സാണ് ഓസ്ട്രേലിയ അടിച്ചെടുത്തത്. നെതര്ലന്ഡ്സ് ബൗളര് വാന് ബീക്ക് 10 ഓവറില് 74 റണ്സ് വഴങ്ങിയെങ്കിലും നാലു വിക്കറ്റെടുത്തു. ആദ്യം ബാറ്റ് ചെയ്ത ഓസീസ് ഡേവിഡ് വാര്ണറുടയെും ഗ്ലെന് മാക്സ്വെല്ലിന്റെയും സെഞ്ചുറികളുടെ കരുത്തില് 50 ഓവറില് എട്ട് വിക്കറ്റിന് 399 റണ്സടിച്ചപ്പോള് നെതര്ലന്ഡ്സിന്റെ മറുപടി 21 ഓവറില് 90 റണ്സില് അവസാനിച്ചിരുന്നു