പന്തളം: പന്തളം നഗരസഭയിലെ മുളമ്പുഴ കിഴക്ക് നാലാം ഡിവിഷനിലെ പത്താം നമ്പർ അംഗൻവാടിയിൽ പ്രവേശനോത്സവം നടന്നു. വാർഡ് കൗൺസിലർ സുനിതാ വേണു ഉദ്ഘാടനം ചെയ്തു.
അംഗൻവാടി ടീച്ചർ സുധ, ഹെൽപ്പർ അനിത, കൗൺസിലർ ബെന്നി മാത്യു, സിഡിഎസ് അംഗം ഇന്ദിരാദേവി, കവി വിനോദ് മുളമ്പുഴ, പ്രണവം ഉണ്ണികൃഷ്ണൻ, ഗംഗ, വെൽഫെയർ കമ്മിറ്റി അംഗങ്ങൾ, ആശാ വർക്കർമാർ തുടങ്ങിയവർ പങ്കെടുത്തു. കുട്ടികൾ മധുര പലഹാരവും സമ്മാനവും വിതരണം ചെയ്തു. വർണ്ണാഭമായ ഘോഷയാത്രയും നടത്തി.
പന്തളം: പന്തളം നഗരസഭയിലെ എഴാം നമ്പർ അംഗൻവാടിയിൽ പ്രവേശനോത്സവം നടന്നു. കൗൺസിലർ സുനിതാ വേണു അദ്ധ്യക്ഷത വഹിച്ചു. അഞ്ചാം വാർഡ് കൗൺസിലർ ശ്രീദേവി എസ് നായർ ഉദ്ഘാടനം ചെയ്തു.
അംഗനവാടി ടീച്ചർ വരദ, ഹെൽപ്പർ ലതാ കുമാരി, ജെഎച്ച്ഐ സുനിതാ ബീഗം, കമ്മിറ്റി അംഗങ്ങൾ, ആശാ വർക്കർമാർ തുടങ്ങിയവർ പങ്കെടുത്തു. കുട്ടികൾക്ക് സമ്മാനവും പായസവും വിതരണം ചെയ്തു.
