സിപിഐ ആലപ്പുഴ ജില്ല എക്സിക്യൂട്ടീവ് അംഗം വെളിയനാട് കുന്നംകരിയിൽ പുത്തൻപറമ്പിൽ കെ ഗോപിനാഥൻ (67 ) അന്തരിച്ചു. കുട്ടനാട് വികസന ഏജൻസി വൈസ് ചെയർമാൻ , നീർത്തട സംരക്ഷണ ജില്ലാ സമിതി അംഗം , കുട്ടനാട് ഐ ആർ സി അംഗം, കിസാൻസഭ ജില്ലാ വൈസ് പ്രസിഡന്റ്, കുട്ടനാട് റേഞ്ച് ചെത്ത് തൊഴിലാളി യൂണിയൻ പ്രസിഡന്റ് എന്നീ നിലകളിലും പ്രവർത്തിക്കുന്നു.സിപിഐ കുട്ടനാട് മണ്ഡലം അസിസ്റ്റന്റ് സെക്രട്ടറിയും , മണ്ഡലം സെക്രട്ടറിയും , ജില്ലാ കൗൺസിൽ അംഗവുമായിരുന്നു. മികച്ച കർഷകനായിരുന്ന അദ്ദേഹം തുടർച്ചയായ 25 വർഷം പാടശേഖര സമിതി ഭാരവാഹിയായിരുന്നു.
വെളിയനാട് റീജിയണൽ സർവ്വീസ് സഹകരണ ബാങ്കിന്റെ പ്രസിഡന്റായും, വെളിയനാട് ഗ്രാമ പഞ്ചായത്ത് വൈസ് പ്രസിഡന്റായും പ്രവർത്തിച്ചിട്ടുണ്ട്. കൃഷി മന്ത്രി പി പ്രസാദ് , സിപിഐ ജില്ലാ സെക്രട്ടറി ടീ.ജെ.ആഞ്ചലോസ് , തോമസ് കെ തോമസ് എം എൽ എ , എ ഐ വൈ എഫ് സംസ്ഥാന സെക്രട്ടറി ടി ടി ജിസ്‌മോൻ , ജില്ലാ പഞ്ചായത്ത് വൈസ് പ്രസിഡന്റ് എൻ എസ് ശിവപ്രസാദ് , സിപിഐ ജില്ലാ എക്സിക്യൂട്ടീവ് അംഗങ്ങളായ ആർ സുരേഷ് , എം കെ ഉത്തമൻ , ജില്ലാ പഞ്ചായത്ത് അംഗം ബിനു ഐസക് രാജു , എ ഐ എസ എഫ് ജില്ലാ സെക്രട്ടറി അസ്‌ലം ഷാ തുടങ്ങിയവർ അന്ത്യോപചാരം അർപ്പിക്കാൻ എത്തി
